Memoirs of the V Spot II

Before you start, I will like to invite you to check this out. To the women, feel free to share your stories about that part of your anatomy that brings us joy, pain, confusion and comfort. And to the men, feel free to analyse that which your pursuit of defines your life's decisions.

Young girl, wetin be your name

Alice

Wetin you dey do here?

Na my tisha bring me come. make dokita helep me make I no dey be like this again

Wetin dey do you?

I no know...I dey piss. I dey hol am, i dey hol am. e no gree. na im make dem say make I comot for house. say i dey smell.

When the doctor talk say im go do your operation?

im talk say tomorrow

When you recuperate, wetin you wan do?

I no sabi dat one

when you recover, wetin you wan do? when u no be like this again, u wan go your papa house?

*shakes head *I no too wan make tomorrow come. but the smell dey worry me. so make e come but i no wan go my papa house.

why?

my papa say make i no come im house. say na me make Okpidingo vex come dirty our house.

what is...wetin be Okpidingo?

na spirit. e vex say i bad so e collect my pikin . Na im collect my pikin

U get pikin?

*shakes head*

wey the pikin

e dies

I am sorry

nooo, e no big. so e dies

Wey the papa? the pikin papa?

E dey house?

Na im bring you come here?

No...na my tisha. my tisha come carry me for road where I dey sleep, na im bring me here

So your husband chase you comot for house and your papa chase you comot for house?

Yes

Wey your mama?

e dies...many long away . na she get de shop wey she dey take pay my school money. when she die...money no dey. my papa e don dey sick tey tey.

How old are you?

Thahtin.

i see...

ehn?

I understand

Ok...u hav sweet?

No, I am sorry.

All de oda womens dey bring sweet and biscuit come. Dis dress sef, na dem give me

Oh, that's nice.

After tomorrow, i go wash am well well. e no smell again. wheesh womens are you?

ehn?

wheesh womens are you? u no oyinbo and the womens wey come before, dey no stay long. dem take pigsho, dem comot. some of dem dey follow us talk but some dem come look us and dem comot. dem no see my garden. u wan see my garden?

U get garden?

Yes, I get aibeesgos. i get one yellow one. i don forget im name but i get aibeesgos. na there i dey do my assignments

u have assignments?

i dey go school. dem get school here. my tisha and im wife say make i come dia ouse when i comot. na im wife make my hair. e fine, no?

very beautiful. u r a very beautiful girl.

Tomorrow. after dokita. i fine better better. i clean. i no smell. i no dirty again.

You were never dirty, my sister.

ehn?

Yes.

Ok. Come make I show you my garden. the aunty for keeshin ave some mango. i gi you one.

Thank you

Wetin be ya name

Dolapo

My name na Alice

I know

You be my friend?

Yes. I am your friend. I am your sister.

Okay, next time , you bring sweet come. ok and i keep mango for you

Deal

ehn

Yes.